Dr Nils ir Thuner Inneschtadt

Dr Nils, e chline Waudmönsch, het e Üüle aus Fründin. Wo die geng truuriger wird, versuecht dr Nils ihre zhäufe. Er macht sich uf d Suechi nach em ne ganz beschtimmte Pflänzli, wo d Üüle wider söu glücklecher mache.

Uf em Wäg chunnt dr Nils ds erschte Mau i sim Läbe i d Schtadt. Dert erläbt er ei Überraschig nach der angere. Schliesslech fingt er de e Frou mit Zouberböhndli.

E berüehrendi Gschicht über ds Glück vor üs ne Füess und e Idee, wie mir Dankbarkeit i üsem Autag chöi kultiviere.

D Corinne Schürch wohnt mit ihrer Tochter und ihrem Ma ds Steffisburg. Nach "ds Wettrenne" und "E Reis im Muuseland" isch das ihres dritte veröffentlechte Chinderbuech. We si nid grad schribt, maut, schpiut, baschtlet, filosofiert oder süsch öpis grümschelet, isch si öpe die mit ihrer Familie verusse azträffe.

Uf farbigi-gschichte.ch erfahret dir me über sie und ihri Wärch.